The Adobo Experience

Nasa lamesa ko ang VCD ng "3 Idiots" na nabili ko kahapon sa Carrefour (Delma Mall) nakaplanong panonoorin ko ito ngayong gabi.Pero isinantabi ko muna para mag post ng blog ngayon na.

May kalokohan kasi akong nagawa kani- kanina lang na sa tingin ko lu- melevel up sa akin ang ka idiotang tunay.

Kasabay ng VCD bumili din ako ng fresh chicken breast tatlong slice lang dahil gusto kong adobohin. Dapat kaninang tanghali sa work pero nakalimutan kong dalhin kaya pag dating ko ng Camp ito kaagad ang inumpisahan ko.

Natikman ko kasi ang pinakamasarap na chicken adobo sa tanang buhay ko noong magbakasyon ako sa Manila. Luto ito ng brother- in- law ko.Di naman niya sa akin pinakita paano gawin dahil wala ng time sinabi niya lang ang proseso( same ingredients lang). Sa dulo ko na ibabahagi ang proseso ng pagawa kung gusto niyong e try. Kwento ko lang muna ang kalokohan kong nagawa ngayon.

Unang proseso. Pagkahiwa ng manok pakokuluan mo ito sa soysauce at asukal lagyan mo na rin ng suka kunti lang at black pepper wala ka ng ilalagay ng asin o tubig. Medyo madami ang asukal para mabalanse ang alat.Pero wag naman subra baka maging minatamis na.

Ganon na nga ang ginagawa ko. Ang problema ang kitchen namin sa Camp ay common Kitchen ng lahat. May mahigit 50 meters yata ang layo sa room namin.

Iniwanan ko munang kumulo at  bumalik na ako sa room para maghiwa ng onion at garlic (dapat madami para masarap)

kunting kwento kwento sa ka roomate na dumating din. Di ko alam kong gaano na ang tinagal ko kasi sa tingin ko sandali lang naman ako.

Pagbalik ko nagkakagulo na sa kitchen dahil umuusok na ang kaldero.May nasusunog!

Nasunog si Adobo.

Imagine mo ang soysauce lang at asukal pagkatapos kumulo kung ano ang mangyayari. Tumigas na parang bitumen paint. Balikutsang sunog

Na e - salba ko pa naman ang manok dahil di pa naman siya naihahalo yong asukal lang at soysauce ang nanigas sa kaldero.

Ano ang nangyari pagkatapos?

Inabot lang naman ako ng higit kalahating oras para magtangal ng sunog na soysauce at asukal sa kaldero ng ka roomate ko. Na hindi nga ako nagpaalam gamitin.Kung sa akin lang itatapon ko na ito.

Hindi siya basta matangal ng scrubbing pad at wire gauze(yong ba ang tawag doon sa mala almbre na scrubbing pad). Kasi kinailangan ko siyang tiktikin ng chisel para mabakbak ang sunog.

PARUSA! nangitim at nanakit ang mga braso ko't daliri.

Ang daming nakiki usyoso sa washing area kung ano ang ginagawa ko dahil pagkatagal- tagal ko doon.May natapos na maghugas ng lulutuin at bumalik na para hugasan ang pinaglutuan niya sa awa ng diyos  andoon pa rin ako nag kukuskos.


Ng dahil lang sa tatlong slices ng  chicken breast. naperwisyo ako ng mahigit isang oras.What an IDIOT!

Ganon pa man sa prosesong ito  natikman ko ang pinakamasarap na Chicken adobong.

Try niyong gawin alam ko maraming style para gawin ito. 
Expirement niyo ito

1.Hiwain ang manok ng tamang laki lang wag lang maliliit.(see picture below)
2.Pakuluan sa soysauce,Asukal at suka (kunti lang ang suka) hangang sa maluto at lumabas ang mantika lagyan na rin ng pamenta at laurel.
3.Mag saute ng bawang at sibuyas.Mas marami mas maganda.Saka ihalo ang pinakuluang manok at igisa dito.

Hintaying medyo matuyo.at humalo ang sauce sa manok.

Yon na yon.

Kailangan di maputla ang manok.Kung maputla magdagdag ng soysauce.

Reminder lang:

Huwag iiwanan ang pinapakulaang manok kung ayaw niyong abutan ng simana santa sa washing area.Dahil hindi gawang biro ang nasusunog na soysauce at asukal ng magkasabay sa kaldero.

na recover kong manok dahil asukal at soy sauce lang naman ang nasunog.Bukas ko na lang ito igigsa sa bawang at sibuyas dadagdagan ko na lang ng tuyo para mas makulay dapat maiitim 

Gigisa ka nalang ng bawang at onion tapos saka mo ilalagay ang luto ng manok

Ito na lang ang kinain ko ngayon imbes na adobo.Try ko ng panoorin ang" 3 Idiots " movie

Paminsan minsan masarap alipustain at pagtawanan ang sarili kaysa gawin sa iba.

Madalas kong gawin ito.